2024 թվականի հունվարի 26-ին առաջին անգամ Հայաստանում անցկացվեց ֆիջիթալ ֆուտբոլի մրցաշար: Մրցաշարին մասնակցող 8 թիմ նախ ֆուտբոլ խաղաց վիրտուալ տիրույթում, ապա տվյալ ֆուտբոլային հանդիպումը նույն հաշվով շարունակեց իրական դաշտում: Ֆիջիթալ սպորտը նորարարական ուղղություն է, որտեղ հետաքրքիր ձևով թվային խաղերի սիրահարները իրենց կարողությունները փորձում են նաև իրական սպորտում: Հայաստանում այս կարևոր իրադարձության կազմակերպման ողջ աշխատանքներն իրականացվել են Սպարսիս մարքեթինգային ընկերության կողմից` միջոցառման անցկացման վայրի ընտրություն և մասնակից թիմների հավաքագրում, տարածքի բրենդավորում, թվային հարթակներում կոմերցիոն էջերի ստեղծում, դիզայն և կառավարում (Facebook, Instagram, YouTube), տեղեկատվական հոլովակների պատրաստում, խաղերի և մրցանակաբաշխության անցկացում, օնլայն ուղիղ հեռարձական ապահովում:
