«Սպարսիս» մարքեթինգային ընկերությունը մասնագիտացված է պատկերացումները գրավիչ իրականության վերածելու գործում: Սցենարային աշխատանքներից մինչև նկարահանման վայրի և համապատասխան դերասանների ընտրություն, ռեկվիզիտների պատրաստում, ձայնային և թարգմանչական աշխատանքներ, մոնտաժային աշխատանքներ և մի շարք այլ կազմակերպչական դետալներ իրականացվեցին մեր թիմի կողմից, որպեսզի EasyDMARC-ի ուղերձը վերածվի հզոր վիզուալ պատմվածքի:
EasyDMARC-ը էլեկտրոնային փոստի անվտանգության լուծումներ տրամադրող գլոբալ առաջատարներից է, ում անհրաժեշտ էր ազդեցիկ հոլովակ՝ ծառայությունը յուրահատուկ ձևով ամերիկյան հանդիսատեսին ներկայացնելու համար։
«Սպարսիս» թիմը նկարահանեց տեսահոլովակ, որը ոչ միայն ինֆորմացիոն է, այլև ներգրավող և ոգեշնչող: Տեսահոլովակում մենք ներկայացնում ենք, թե ինչպես EasyDMARC-ը դառնալով Շեքսպիրի «Օթելլո» աշխատանքի մի մաս, կարող էր կանխարգելել համաշխարհային ողբերգություն։
